“Mirë se erdhe ylberi i ngjyrave të botës me zërin e anglishtes!”

Java e Anglishtes është një nga javët më të dashura dhe të mezipritura nga nxënësit, plot me aktivitete, në të cilat nxënësit kontribuojnë në mënyra të ndryshme dhe shfaqin talentin e tyre me anë të projekteve dhe konkurseve që zhvillohen gjatë kësaj periudhe. Aktiviteti më i shumëpritur i Javës së Anglishtes është Culture Corner, ku nxënësit zgjedhin një vend për të përfaqësuar dhe prezantojnë kulturën, traditat dhe karakteristikat e veçanta të tij, në mënyra nga më të ndryshmet.

Vendet dhe kontinentet e zgjedhura për t’u prezantuar këtë vit ishin:

Klasat e para: Britania e Madhe

Klasat e dyta: Evropa

Klasat e treta: Amerika e Veriut

Klasat e katërta: Azia

Klasat e pesta: Amerika e Jugut

Secila e klasë e çdo paraleli përkatës zgjedh të përfaqësojë një shtet, brenda kontinentit të përbashkët.

Për të gjallëruar atmosferën dhe për të dëgjuar prezantimet e nxënësve erdhën dhe përfaqësues nga tre ambasada të ndryshme: Ambasada Amerikane, Holandeze dhe Spanjolle.

Përfaqësuesit e secilës prej ambasadave, u mahnitën nga njohuritë, prezantimet dhe krijimet shumëngjyrëshe të nxënësve. Ky aktivitet kaq argëtues dhe edukativ për fëmijët u la shumë mbresa dhe kujtime atyre këtë vit.

Punoi: Hera Hadëri

Drejtoi: Imelda Prençe