Postimet kryesore

  • Turgut Ozal Social Media

Vizitë në Ministrinë e Kulturës

Date: March 20, 2015 Author: Selman Categories: Postimet kryesore

Zyrat e reja të ministrisë së kulturës u kthyen në klasë për nxënësit e kolegjit “Turgut Ӧzal” gjatë një vizite në kuadër të programit të lëndës së vendlindjes.

Me ftesë të ministrisë, nxënësit e kolegjit, shoqëruar nga Drejtori i Përgjithshëm të Kolegjeve Turke, Drejtori i Shkollës 9-vjeçare “Turgut Ozal” si dhe mësues e përfaqësues të tjerë nga shkolla kaluan momente emocionuese në mjediset e restauruara të Ministrisë së Kulturës, dikur ”Kinostudioja Shqipëria e Re,” së bashku me Ministren e Kulturës, znj. Mirela Kumbaro dhe punonjës të tjerë atje.

Nxënësit i dhuruan ministres një libër me poezitë e tyre, botuar me rastin e 8 Marsit, titulluar “Nëna Engjëlli mbrojtës”. Kjo dhuratë përkoi me një moment të rëndësishëm në fushën e letërsisë dhe u cilësua nga ministrja si dhurata më e bukur në prag të “Ditës së poezisë”, 21 Marsit. Nxënësit e përshëndetën zonjën Kumbaro, si dhe stafin drejtues, me poezi, interpretim në piano, këngë dhe pjesë teatrale.

Kjo vizitë shërbeu si një urë lidhëse midis kolegjeve turke dhe Ministrisë së Kulturës.

 

Play Our Song