“ Shqipëri o vendi im, mbushur drit’e krenari, të kam nënë e më ke bir’ zemra ime Shqipëri!”

Përcjellja e dashurisë për Atdheun dhe e vlerave kombëtare brezave, le të jetë frymëzimi ynë!

Atmosfera e Festave të Nëntorit jehoi në ambientet e Kolegjit “Turgut Ozal” përmes emocioneve që sjellin aktivitetet  me rastin e këtyre festave. Ambientet e shkollës janë zbukuruar për festë me ngjyrat e Flamurit Kuqezi, i cili qëndron krenar në ballë të tyre.

Për këtë vend vargjet më të bukura janë shkruar, tingujt më të bukur janë kënduar me fuqinë e shpirtit për këtë vend, sepse ky vend i vogël, mbart një histori të madhe.

Projektet e ndryshme dhe vizatimet e arrira, sajë talentit dhe përkushtimit të nxënësve tanë, shprehin dashurinë e madhe që ka ky popull për lirinë dhe vendin e tij.

Shqipëria jonë e dashur feston Ditën e Pavarësisë dhe të Ҫlirimit.

Gëzuar Festat Shqipëria ime!

Gëzuar Atdhe!

Përgatiti: Imelda Prençe