Për t’u regjistruar në klasën e parë, nxënësit zhvillojnë një intervistë mbi njohuritë e tyre të përftuara nga parashkollori në lëndët: gjuhë shqipe, matematikë dhe dituri natyre.
Në klasat e tjera, zhvillojnë testim me shkrim rreth njohurive në lëndët: gjuhë shqipe, matematikë dhe anglisht. Në bazë të rezultatit të intervistës ose testimit, përcaktohet nëse mund të vijohet më tej me procedurën e pranimit në shkollën tonë.
Për caktimin e orarit dhe ditës së intervistës, mund të komunikoni me sekretarinë e shkollës.
Për t’u njohur me ambientet dhe me informacione mbi programin mësimor dhe ditor, mund të vizitoni faqen tonë të internetit, ose të lidheni drejtpërdrejt me stafin tonë, për t’ju mirëpritur në shkollë.