Nxënësit e klasës së 4F ishin pjesë e një vizite pranë Ministrisë së Bujqësisë dhe Zhvillimit Rural. Ata u pritën nga Ministri Z. Niko Peleshi dhe grupi i tij i punës. Ministri u foli nxënësve rreth projekteve të tij për hapjen e disa fermave që do të sigurojnë ushqime organike për fëmijët, si dhe për rëndësinë e ushqimit të shëndetshëm. Pas përfundimit të kësaj vizite, nxënësit zhvilluan një tjetër vizitë, në një tjetër institucion, në Kuvendin e Shqipërisë. Së pari fëmijët u futën në sallën ku zhvillohen seancat parlamentare, ku edhe u pritën nga deputetja, Znj. Albana Vokshi. Tema e bisedës që u zhvillua mes tyre ishte rëndësia e ligjeve për shtetin shqiptar, gjë të cilën Znj. Vokshi e krahasoi me rëndësinë që kanë rregullat për shkollën dhe arsimin. Pas bisedës deputetja i shoqëroi nxënësit tanë edhe në ambientet e tjera të Kuvendit.
Përgatiti : Elda Rrustemi