Të gjithë kundër urisë…
Në vijim të aktiviteteve të tij, Klubi Shpresa në bashkëpunim me Foodbank Albania, organizon me rastin e Festave të Fundvitit aktivitetin për mbledhjen e ndihmave ushqimore për familjet në nevojë.
Ky aktivitet, i cili do të zhvillohet nga data 12.12.2018 – 20. 12. 2018, ka sensibilizuar ndjeshëm nxënësit e shkollës sonë, të cilët me bujarinë më të madhe janë angazhuar duke sjellë ushqime që në ditët e para të fillimit të tij.
Këto ushqime përfshijnë ushqimet bazë si: miell, vaj, sheqer, makarona, oriz, qumësht UHT, fasule, thjerrëza, biskota, salcë, reçel, konserva, çokokrem, kafe etj.
Pakot me ushqime do t’u dhurohen nga Foodbank Albania familjeve në nevojë, për të sjellë pranë tyre sadopak gëzim e buzëqeshje për Festat e Fundvitit.
Klubi Shpresa falenderon të gjithë kontribuesit dhe mbështetësit e këtij aktiviteti për bujarinë dhe zemërgjerësinë që tregojnë gjithmonë!
Përgatiti: Imelda Prençe